Нийгмийн айдас (social phobia) гэж юу вэ?
Нийгмийн тодорхой нөхцөл байдалд янз бүрийн хүмүүстэй харьцах явцад өөрийн эрхгүй айдас төрөхийг хэлнэ. Хүмүүстэй нүүр тулж харьцахаас эмээж, олон хүний дунд эвгүй байдалд орчих вий гэж бодсоор л байх..
Айдас үүсгэх нөхцөл байдлууд
- Олон хүмүүстэй ярилцах
- Шинэ танихгүй хүмүүстэй уулзах
- Олон нийтийн газар хооллох
- Уулзалт, үдэшлэгт оролцох
- Олон хүний өмнө үг хэлэх
- Хүнээс айх
- Асуулт асуух
- Ярилцлага өгөх гэх мэт.
Ямар шинж тэмдгүүд илэрдэг вэ?
- Нүүр улайх
- Хөлөрч халуулах
- Зүрх хурдан, хүчтэй цохилох
- Чичирч, салганах
- Толгой эргэх
- Зугтаамаар санагдах
Уг эмгэг ямар хүндрэлүүд үүсгэж болох вэ?
- Олон нийтийг хамарсан арга хэмжээ, уулзалт, цугларалтаас зайлсхийдэг болох
- Сэтгэл гутрал, сэтгэл түгших эмгэгт өртөх
- Олны дунд согтууруулах ундаа хэрэглэх
- Өөртөө итгэлгүй болох
Хэрхэн сэргийлэх вэ?
- Мэргэжлийн хүнд хандаж, зөвлөгөө авах
- Дотны хүмүүсийнхээ оролцож буй олон нийтийн арга хэмжээнд очих
- Өөрийгөө аль болох анзаарч, эмгэг илүү хүндрэхээс өмнө тайван амгалан байж, бясалгал, дасгал тогтмол хийх
- Олны дунд орохоос зайлсхийх тусам дараачийн удаа эмгэг хүндрэх эрсдэлтэйг тооцож өөрийгөө тайвшруулдаг аргачлалтай болох
- Согтууруулах ундаа, кофэйний хэрэглээнээс зайлсхийх