Төрсний дараах сэтгэл гутрал гэж юу вэ?
Дөнгөж төрсөн эмэгтэйчүүдэд тохиолддог сэтгэлийн гүн хямрал (бие махбод, сэтгэл хөдлөл, зан үйлийн өөрчлөлт) юм.
Ямар шинж тэмдгүүд илэрдэг вэ?
- Тогтмол сэтгэлээр унах
- Ямар нэгэн зүйлд буруутай мэт мэдрэмж төрөх
- Анхаарлаа төвлөрүүлж чадахгүй, юм санахгүй, шийдвэр гаргаж чадахгүй болох
- Ядрах, юу ч сонирхолгүй санагдах
- Хэт их идэх эсвэл огт идэхээ болих
- Амиа хорлох тухай байнга бодох
- Нойргүйтэх
- Бэлгийн зуршил буурах
- Архаг толгой өвдөлт, хоол боловсруулах замын хямрал
Ямар шалтгаанууд байж болох вэ?
- Жирэмсэн болохоосоо өмнө сэтгэл гутрах эмгэгтэй байсан
- Эрт хүүхэд төрүүлсэн (нас бага үедээ)
- Ганцаараа амьдрах
- Гэр бүлийн асуудал
- Нойр дутуу, ачаалал ихтэй байх
- Хүндрэлтэй төрөх
- Шарх гүйцэт эдгээгүй байх
- Гормоны өөрчлөлт
Уг эмгэг ямар хүндрэлүүд үүсгэж болох вэ?
- Өөрийгөө хайрлаж, хүндлэхээ болих
- Өөрийгөө / бусдыг өвтгөх
- Амиа хорлох тухай бодох
- 1000 эмэгтэй бүрийн нэгт тохиолддог Төрсний дараах төөрөгдөлд (postpartum psychosis) автаж хий сонсож, бодит бус зүйлст итгэх
- Нөхөр сэтгэл гутралд орох
- Хүүхэд хоолоо сайн идэхгүй, хэл амны хөгжил удаашрах
Хэрхэн сэргийлэх / эмчлэх вэ?
- Мэргэжлийн эмчид хандаж зөвлөгөө авах
- Өөртөө хэт өндөр шаардлага тавихгүй байх
- Том даалгавруудыг олон жижиг даалгавар болгон хувааж төлөвлөгөө гаргах
- Гадуур гарах, найзуудтайгаа уулзах
- Дасгал хийх, алхах
- Хэн нэгнээс тусламж хүсэх
- Хүүхдээ унтах үед амарч / унтаж авах