Сэтгэлийн гүн хямрал гэж юу вэ?
Бүх зүйл утгагүй мэт санагдаж, ихээр гутарч, гуниглахыг хэлнэ. Гутрал нь тодорхой хугацаагаар (ихэвчлэн <2 долоон хоног) үргэлжилсний дараа сэтгэл санаа буцаад тогтвортой болох ч, хэсэг хугацааны дараа дахиад хямардаг.
Ямар шинж тэмдгүүд илэрдэг вэ?
- Гутарч гуниглах
- Анхаарал төвлөрөлт муудах
- Нойргүйтэх / хэт их унтах
- Хоолны зуршил багасах / хэтрүүлж идэх
- Өөрийгөө юм бүхэнд буруутгах
- Бүх зүйл утгагүй мэт санагдах
- Сэтгэл хямрал нь тодорхой хугацаагаар үргэлжлээд болих
- Сэтгэл хямраагүй үед юу ч болоогүй юм шиг байх
Ямар шалтгаанууд байж болох вэ?
- Гэнэтийн үйл явдал болох (хайртай хүнээ алдах, санхүүгийн бэрхшээлд орох, ямар нэгэн хэлбэрийн хүчирхийлэлд өртөх, хэн нэгэнтэй зөрчилдөх гэх мэт)
- Удамд сэтгэл түгших эмгэг, архидалт, сэтгэл гутрах эмгэг хоёр туйлт сэтгэцийн эмгэгтэй хүн байсан
- Мансууруулах төрлийн бодисоос хамааралтай болсон
- Хүчтэй эм уусан (даралтны эм, нойрны эм гэх мэт)
Уг эмгэг ямар хүндрэлүүд үүсгэж болох вэ?
- Дотны хүмүүстэйгээ маргалдаж, үл ойлголцох
- Ялимгүй зүйлсд уурлаж уцаарлах
- Амархан мартах
- Жин нэмэх / жин хасах
- Сонирхол татдаг байсан зүйлсдээ сонирхолгүй болох
- Өөрийгөө хайрлаж хүндлэхээ болих
- Амьдралдаа итгэл алдах (амиа хорлох тухай бодох)
- Бусдаас өөрийгөө тусгаарлах
Хэрхэн сэргийлэх вэ?
- Мэргэжлийн эмчид хандаж оношилгоо хийлгэж, зөвлөгөө авах
- Дотны хүмүүстэйгээ ярилцаж, сэтгэлээ онгойлгох
- Тогтмол дасгал хийх
- Өөртөө илүү итгэлтэй болж, өөрийгөө илүү хайрлахад туслах зүйлсд суралцах
- Мансууруулах төрлийн бодисоос зайлсхийх